و انا بعمل اللموناده مره زمان
لقيت حد من قرايبنا بيقولى انى ادوب الاول السكر فى الميه قبل ما احط اعصر اللمون
استغربت و سالت ليه؟؟
لقيت السبب اقتصادى لازم نحترمة الصراحة
بنوفر فى السكر
المهم سالت ازاى برضه ؟
قالتلى انى لو حطيت اللمون على الميه على طول و اجى احط السكر مش حيخلى السكر يدوب فى المية
و بالتالى نحط سكر كتير علشان نعرف نعمل اللموناده
المهم هنا انا عندى سؤال
هو يعنى لما ححط اللمون على المية بسكر هو اللمون اللى كان دايب مش حيرسب تانى ؟؟
و بالتالى احنا كدا معملناش حاجة
!!!!!!
ولا يعنى الروابط الكيميائية اللى حيعملها السكر مع الميه مش حيقدر اللمون اللى بحطه انه يكسرها بسهولة و بالتالى اللمون حيفضل دايب؟؟
ولا ولا ....... الواحد ممكن يفكر فى احتمالات كتيره
لو عرفنا اساسا السكر بيدوب ازاى فى الميه
و اللمون اية علقتة بالدوبان فى الميه بالسكر
المهم انا فكرت فى تجربه عاوزة درجة حساسية عالية مش حعرف اوفرها فى البيت
اجيب كمية من المية و ادوب فيها سكر لحد ما يرسب
و بعدين اشيل السكر اللى اترسب و بالتالى انا عندى محلول مسبع من الماء و السكر
و احط عليه اللمون و اشوف رسب ولا اية و كمية الترسيب قد اية
و اجيب نفس الكمية من الماء و احط عليها نفس كمية اللمون اللى فاتت
و بعدين احط كمية السكر اللى احاجتها فقط علشان اخلى المحلول يتشبع
و دى حسابها حيكون السكر الاساسى كله ناقص السكر اللى رسب مع الميه الاول خالص و انا شيلتة
و بعد كدا اشوف هل كمية السكر اللى حترسب بعد ما حطيت السكر اكتر ولا اققل من اللى كنت حطه فيها السكر الاول مع اللمون
انا حاسة انى باشرح اللى انا عاوزاة بطريقة ودنك منين يا جحا
