صدى الصوت

صدى الصوت كلنا عارفينة
و عامة احنا دلوقتى مبنسمعهوش لان الدنيا بقت زحمة
ادخل فى الموضوع
و احنا بنظم البيت و بوضب قضتى لقيت فجاة ظهر صدى للصوت
قلت لماما ماما قالتلى علشان انتى شلتى الحاجة القوضة و القوضة فضيت
بمعنى اصح وسعت و الصوت يمشى برحتة و يصد و يرجع

انا مقتنعتش بالحكاية دى قوى

صحيح هيا مبقاش فيها الا السرير و مكتب الكمبيوتر
بس متهيالى حاجة تانية بالاضافة ان الدنيا وسعت

متهيالى لانى غيرت مكان السرير و بالتالى الصوت بيصد فى الحيطة فى مكان جديد مكنش بيصد فية قبل كدا
و زى ما يكون الحيطان بتتشبع الاول بالصوت

اية الكلام العجيب اللى انا بقوله دا

المهم دى نظريتى فى الحياة


طيب حعرف ازاى انها صح ولا غلط

؟؟؟؟

حسيب الوضع زى ما هو شهر
لو فضل صدى الصوت يبقى كدا انا غلط و الحكاية حكاية اتساع و بس
مع ان القوضة مش كبيرة لدرجة صدى الصوت يعنى من اصله

لكن لو اختفى صدى الصوت قبل الشهر يبقى فى الموضوع انه
و مش حكاية ان المكان فضى و خلاص
و مش لزما يعنى افتراضى يبقى صح
بس ساعتها مش حعرف اققول انه برضة غلط


دلوقتى سؤال مهم جداااااااااا

حد فهم انا عاوزة اية او بتكلم فى اية

اللى مفهمش نشكره على حسن تعاونه

اما اللى فهم و طبعا معرفش فهم اية ولا ازاى

يشارك برايه فى الموضوع